Padrón, 13 de marzo de 2016.- A Secretaria Xeral da Igualdade, Susana López Abella, apoiou hoxe o proxecto pedagóxico teatral “Pementeiras” que se representou esta tarde na vila padronesa, e que ten coma obxecto potenciar a igualdade a través do empoderamento feminino.
A historia está contextualizada no traballo das mulleres pementeiras de Herbón, no concello de Padrón, que desempeñan un papel fundamental no referente ao traballo de produción e distribución deste produto. O obxectivo da obra é por en escena a situación das mulleres pementeiras de Herbón, e extrapolalo ao resto de mulleres da xeografía galega, para axudarlles a recoñecer o seu labor e deste xeito conseguir que sexa máis valorado pola sociedade e por elas mesmas.
Previamente, a secretaria xeral da Igualdade visitou as instalacións da S.A.T. ‘A Pementeira’, onde puido observar de primeira man o proceso de empaquetado dos pementos.