O Segredo de Uxía
Sinopse: O Segredo de Uxía ten como obxectivo concienciar e sacar a luz os malos tratos e abusos que sofren moitas nenas e nenos na infancia por parte dos seus proxenitores, para deste xeito aprender dos erros e que nunca máis volvan ocorrer.
A obra narra a historia de Uxía, unha nena de 12 anos de idade, a que a vida non lle ofreceu un sendeiro doado de percorrer. Digamos que non foi responsable dos seus actos, pero si que foi participe, aínda non querendo selo, xa que o seu pai decidiu ofrecerlle un camiño convulso cheo de abusos, penuria, vergoña e mentiras.
Os momentos que tivo que pasar durante a súa infancia foron demasiado duros e intensos para unha nena da súa idade. Chegou incluso, algunha que outra vez, a tomar a terrible decisión de poñer fin a súa vida… a esa vida que as veces non é tan marabillosa, quizás por que outras persoas deciden por nós que non o sexa.
Sufriu todo aquilo que ninguén espera que lle ocorra, pero desgraciadamente ocorre, e máis do que pensamos, e moitas veces provocado por quen menos esperamos.
Contidos a desenvolver durante o obradoiro: o tabú do incesto, os malos tratos e abusos a menores e as súas consecuencias, pautas para a intervención.
A Procura dos Sentidos
Sinopse: A Procura dos Sentidos é unha obra ambientada nos anos cincuenta e relátanos a vida dunha nena de dez anos, Esperanza, que perde os sentidos como consecuencia dunha enfermidade descoñecida. Ó mesmo tempo a súa nai, Mercedes, perde o sentido ó namorarse dun home que non é moi bo para ela.
Durante o transcurso da obra, iremos vendo a loita interior de Esperanza pola procura dos sentidos e se Mercedes atopará o seu propio sentido.
Contidos a desenvolver durante o obradoiro: os sentidos, as emocións, os sentimentos, a autoestima, a capacidade de superación persoal, consecuencias da violencia de xénero dentro das relacións de parella.
Tormentos nunha noite, recordos dunha vida
Sinopse: A historia trata da vida de Xoana de Veiga, que aconsellada polo seu doutor, e polo ben da súa saúde, pon fin a súa relación tormentosa e decide regresar o seu fogar materno na procura de tranquilidade e apoio da súa familia e das amizades
Durante o transcurso da obra, van aparecendo certas situacións que fan que os malos recordos sufridos con anterioridade volvan a atormentala novamente, chegando a poñer o límite a súa saúde. “Toda unha vida de penuria reflectida nunha noite de tormentos”
Contidos a desenvolver durante o obradoiro: a violencia de xénero, as consecuencias psicolóxicas dos malos tratos e os efectos asociados a esta problemática.
O Soño de Mía
Sinopse: A historia comeza cando unha nena, Mía, cóntalle a súa avoa, Amelia, que tivo un soño que lle provocou moitas dúbidas. Unha delas é que non entende que é a igualdade. Súa avoa para explicarlle o significado da igualdade emprega un exemplo de cando súa irma, Lucía, decidiu escoller o seu futuro profesional.
A partir deste punto, na historia establécese un sen fin de problemáticas asociadas a loita pola igualdade que fan reflexionar sobre o sen sentido de moitas das nosas argumentacións para xustificar o inxustificable e perpetuar as desigualdades.
O final da historia remata con unha lección moi importante e unha mensaxe positiva de que a igualdade é un reto persoal que solo intentando e propoñendo se conseguirá.
Contidos a desenvolver durante o obradoiro: o proceso de socialización diferencial, os prexuízos e estereotipos de xénero, a elección profesional non sexista, a violencia de xénero nas relación de adolescentes.
Xulía e Os Pérez
Sinopse: A familia dos Pérez, foi sempre moi tradicional e moi machista. Os dous fillos de Luís Pérez, Pepe e Luisiño, nunca fixeron nada no fogar e sempre foron moi arrogantes, déspota e egoístas. Sempre tiveron todo o que quixeron.
O día que morreu a muller de Sr. Luís Pérez, os tres homes da casa víronse nunha situación moi difícil, xa que andaban como tolos buscando a quen cargarlle as labores do fogar. O día que se casou o Pepe, remataron todos o problemas.
Xulia foi a desafortunada en casar con Pepe, dende ese día a súa vida mudou por completo.
As cousa comezaron a cambiar, cando chegou a casa dos Pérez a irmán de Xulia, Isabel, e a súa filla Mariluz, que foron quen lle fixeron ver a situación que ela estaba a padecer.
Despois de moito loitar, Isabel e Mariluz, por fin fixeron entrar en razón a Xulia, que decidiu marcharse para sempre.
Contidos a desenvolver durante o obradoiro: violencia de xénero, estereotipos de xénero, o reparto das tarefas no fogar.
A vida mesma: a noite e o día
Sinopse: A vida de María é unha rutina xa que todos os días ten que facer as labores do fogar e despois ir traballar a empresa téxtil “Os Panos”. Manolo é un home egoísta e moi prepotente que non colabora nada no fogar, e o único que fai e queixarse todo o día do moito que ten que facer.
Lucía e Xoán son a filla e o fillo de María e Manolo. A rapaza é moi educada e traballadora, fai todo o traballo da casa e estuda moito, mentres que Xoán é todo o contrario; todo o día esta protestando igual que seu pai.
No traballo, os dous teñen o mesmo horario, aínda que non o aproveitan por igual. María sempre chega tarde debido a gran cantidade de tarefas que ten que facer no fogar, mentres que Manolo ten tempo de abondo para ler o periódico, tomar café e charlar un pouco co seu amigo Pedro.
Un día María tivo que abandonar o traballo para ir coa sogra ao hospital, xa que a Manolo se lle esquecera. Esta situación provocou unha disputa entro o xefe e María e posteriormente na casa con Manolo.
Finalmente, despois desta situación insostible, unha noite María estoupa de rabia e decide que isto ten que rematar.
Contidos a desenvolver durante o obradoiro: igualdad de xénero, a socialización diferencial, roles e estereotipos de xénero, o reparto de tarefas no fogar.